Аўтамабіль Lamborghini Huracán 2019 года выпуску стаў удзельнікам ДТЗ на мінскай вуліцы Няміга. Гэта вынікае з відэа, якое ўвечары 3 красавіка апублікаваў тэлеграм-канал «Мерзкий Кокобай».
У роліку відаць, як першую паласу дарогі заняў уседарожнік, другую — Lamborghini. У транспартных сродкаў ўключаныя аварыйныя агні.
«Аварыя на Нямізе. Спадзяюся, у Ламбы поўная страхоўка аж ад выкрадання іншапланетнікамі!» — напісаў аўтар паста.
Мяркуючы з нумару іншамаркі, аўтамабіль зарэгістраваны ў Маскве (Расія). Паводле звестак партала Auto.ru, ужываны Lamborghini Huracán 2019 года ў РФ каштуе ад 24 млн да 28 млн расійскіх рублёў (ад 285 000 да 333 000 даляраў).
У сталічнай ДАІ інфармацыю пра ДТЗ пакуль не каментавалі.
